Монгол орны нутаг дэвсгэрийг өмнөөс умард руу холбосон ганцхан төмөр зам бий. Хойд, өмнөд хөрштэй холбосон энэхүү төмөр зам, бусад богтно рейсийн замтайгаа нийлээд 1520 км-ийн урттай байдаг. УБТЗ-ын зүгээс хоёр улсын эдийн засгийн хөгжилтэй холбоотойгоор хос замтай болох бодлого баримталж байгаа юм. Учир нь хойд өмнөд хөршийн худалдаа, транзит тээвэр жилээс жилд өсөн нэмэгдэж байгаа учраас ийн шийдсэн байна. Харин шинээр барих замыг Улаанбаатар хотоор дайруулахгүй нь бололтой. Нийслэл орчимд хонхор хотгор ихтэй, уул даваа тойрсон тойрог болгонд галт тэрэгний хурдыг сааруулах шаардлага тулгардаг гээд техникийн шийдлийн хувьд бодууштай зүйл их байгааг УБТЗ-ын шинэхэн дарга Л.Пүрэвбаатар үгүйсгэсэнгүй. 1100 км үргэлжлэх хос замыг барихын тулд хөрөнгө босгох арга замаа эхлээд сонгох ажээ. УБТЗ-ын өргөтгөл байх уу, концессийн гэрээгээр гүйцэтгүүлэх үү гэдгээ хараахан шийдэггүй байна.