Бичсэн:munkhbat
2015/03/03/, 12:29

Tweet

Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа "Оюутан-Цэрэг хөтөлбөр хэрэгжүүлэх тухай” А/160  дугаар захирамж гаргалаа. Захирамжаар Монгол Улсын Батлан хамгаалахын сайд, Боловсрол, шинжлэх ухааны сайдын хамтарсан А/49, А/56 дугаар тушаалыг хэрэгжүүлэх, нийслэлийн нутаг дэвсгэр дэх их, дээд сургуульд суралцаж буй 18-25 насны оюутан залуучуудыг сайн дурын үндсэн дээр элсүүлэх Оюутан-Цэрэг хөтөлбөрийг 2015 оны 03 дугаар сарын 10-ны өдрөөс эхлэн хэрэгжүүлэх ажлыг зохион байгуулахыг үүрэг болголоо. Нийслэлийн хэмжээнд Оюутан-Цэрэг хөтөлбөрийг зохион байгуулах ажлын хэсгийн даргаар Нийслэлийн Засаг даргын Тамгын газрын Цэргийн штабын дарга, хурандаа Ж.Болдбаатар ажиллана гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

д/д	Хэрэгжүүлэх үйл ажиллагаа	Хугацаа	Хариуцах хүн	Хамтран ажиллах
1	Эрх зүйн бичиг баримт    боловсруулж, үүрэг даалгавраар хангах	2 дугаар сард	Хурандаа Ж.Болдбаатар	НЗДТГ
2	Оюутан –Цэрэг хөтөлбөрт зориулсан сургалт зохион байгуулах	3 дугаар сард	Дэд хурандаа Б.Баянмөнх	Дүүргүүдийн цэргийн штаб
3	Их дээд сургуульд суралцаж байгаа оюутан залуусын "Оюутан- Цэрэг” хөтөлбөрт хамрагдах судалгааг  гаргах	3 дугаар сард	Дүүргүүдийн цэргийн штабын тоо бүртгэлийн офицерууд	Их, дээд сургуулиудын сургалтын алба
4	Их, дээд сургуулиудтай хамтран сайн дурын үндсэн дээр цэргийн алба хаах сонирхолтой оюутнуудад "Цэргийн ерөнхий бэлтгэл” хичээлийг сонгон  суралцуулах	4-6 дугаар сард	Бэлтгэл хурандаа Г.Мягмаржав	Их, дээд сургуулиудын сургалтын алба
5	"Оюутан-Цэрэг”  хөтөлбөрт хамрагдах оюутан залуусыг эрүүл мэндийн үзлэгт хамруулах	5 дугаар сард	Батлан хамгаалах, хууль сахиулагчдын албан хаагчдын нэгдсэн эмнэлэг	Ажлын хэсэг
6	"Оюутан-Цэрэг”  хөтөлбөрт хамрагдах эрүүл мэндийн үзлэгт  тэнцсэн залуусыг цэргийн албанд татан алба хаалгах байгууллагад хүлээлгэн өгөх	5 дугаар сард	Дүүргүүдийн цэргийн штаб	Бэлтгэл хурандаа Г.Мягмаржав
7	Шаардлага хангасан оюутан залуусыг цэргийн тусгай бэлтгэл сургалтанд хамруулах	6-8 дугаар сард	Бэлтгэл хурандаа Г.Мягмаржав	БХИС
8	"Оюутан-Цэрэг”  хөтөлбөрт хамрагдан цэргийн алба хаасан залуусыг хүлээн авах	8 дугаар сард	Хурандаа Ж.Болдбаатар	Дүүргүүдийн цэргийн штаб
9	"Оюутан-Цэрэг”  хөтөлбөрт  хамрагдсан иргэдийн судалгааг оршин суугаа аймаг, дүүргийн цэргийн  штабд хүргүүлэх	8 дугаар сард	Дэд хурандаа Б.Баямөнх	Дүүргүүдийн цэргийн штабын тоо бүртгэлийн офицерууд