ТҮРИЙВЧ ХЭТЭВЧНИЙ ФЭНШҮЙ

Бичсэн:tonshuul
2015/08/29/, 14:17

Олон зуун мянган жил хэрэглэж хүний ахуй амьдралд аятай сайхан нөлөөлсөөр ирсэн энэхүү Фэн-шуй хэмээх эртний арга ухааны тухай бүгд мэддэг. Хайр сэтгэл, алдар хүнд, эд баялаг, эрх мэдэл гээд өөрийнхөө хүссэн бүхнийг Фен-шуйн сургаалийг дагаж мөрдсөнөөр өөртөө бий болгох боломжтой. Хэдийгээр фен-шуйн ямар ч сургаальд түрийвч хэтэвчний тухай өгүүлсэн байдаггүй ч орчин үеийн амьдрал нэг байрандаа зогсохыг хүлээхгүй хурдацтай, хүн өөрийн олж авсан мэдлэг ухаанаа шинжлэх ухааны энэ их хөгжлийн эринд зөөж шилжүүлж хэрэглэхэд суралцсаар байна. Нэг л байрандаа үлдэлгүй мөнгөний урсгалаа нэмэгдүүлэхийг хүсэхгүй хүн гэж байх болов уу? Бүгд л энэ тухай хүсэж мөрөөддөг нь үнэн, хичээсээр байна. Түрийвч хэтэвчний Фэн-шуй таны эд баялагийн энергийг эрчимжүүлж, таны хүссэн тэр их мөнгөөр дүүргэх болно. Бидний үргэлж авч явдаг түрийвч мөнхийн дагуул маань биш гэж үү? Иймд эд баялагаа өсгөн нэмэгдүүлэхийн бэлэгдэл хэмээн үзэж яагаад болохгүй гэж? Мөнгө эрчимтэй татах соронзон болгон ашиглах боломжтой!? Түрийвчний Фэн-шуй гурван дүрэм зааврыг ширхэгчлэн биелүүлэхийг л шаардана:
1. Түрийвчний өнгө. Хүн бүр ямар нэг махбодын биелэл гэдгийг санах хэрэгтэй. Иймд өөрийнхөө өнгийг сонгоорой. Таны түрийвчний өнгө бол эд баялагийн тань өнгө болохоор үгүйрч сүйрүүлэх Тойрог ухааныг санах хэрэгтэй: Ус Галыг хяналтандаа байлгадаг. Гал төмрийг, Төмөр модыг, Мод Шороог, Шороо Усыг гэх мэтчилэн хорьж дийлж байдаг. Энэ ухаанаар бол: хэрвээ та Усан махбодьтой бол таны түрийвч Гал махбодын буюу улаан өнгөтэй байх ёстой. Та доорх хүснэгтээс өөрийнхөө түрийвчний өнгийг олоорой..
Тохирох махбодь. Түрийвчний тань ээлтэй өнгө Фэн-шуйд.
Гал- улаан, тод час улаан, хүрэн улаан
Мод- хүрэн, ногоон
Шороо- бор, шар, улбар шар, алтлаг
Ус- хар, хөх, цэнхэр, үзмэн ягаан
Төмөр-цагаан, мөнгөлөг, саарал
2. Түрийвчний хэмжээ. Олон тасалгаа бүхий түрийвч төдийлөн таатай биш тул татгалзах хэрэгтэй. Таны мөнгө хоёр гурван тасалгаанд саланги байх түрийвч тохиромжгүй. Түрийвчний өндөр, өргөн, гүний хэмжээг анзаарах чухалтай. Нүнжигтэй харагдах түрийвч бидэнд чухал. Ядаж нэг талаас нь ч аваад үзсэн тааламжтай байх түрийвчийг сонгоорой! Хэрвээ түрийвч тань аль ч талаас нь харахад ижил харагдахаар бол танд аз таарсаны шинж.
3. Түрийвчиндээ авч явах сахиус. Түрийвчиндээ байгаа бүх фото зурагнуудыг гаргаж ав. 1. Түрийвч гэдэг фото зураг хадгалдаг газар биш. 2. Энэ зурагнууд мөнгөний урсгалд тань сөрөг нөлөөтэй. Түрийвчинд хэт олон биш, ганц, хоёр л чухал сахиусаа хийгээд авч явахад тохиромжтой.
Улаан туузаар холбосон Хятадын гурван зоос, хаадын үлэмж арвин багтаамжтай түрийвч гэх мэт хаанаас ч худалдаж авах боломжтой эдгээр зүйлс таны мөнгө санхүүг нэмэгдүүлнэ. Мөн гааны үнэр мөнгийг эрчимтэй татдаг үнэр гэдгийг тогтоож аваарай. Иймд ганцхан дусал гааны анхилам үнэр чухал тул гаатай чихрийн цаас байсан ч болно. Түрийвчний Фэн-шуй асар том зарлага, зардал шаарддаггүй. Хэрвээ та тун саяхан "буруу түрийвч” худалдаж авчихаад салахад харамсалтай байгаа бол нэгэн нууцыг мэдэж ав. Эрт цагаас Фэн-шуйн мэдлэгтэнгүүд дээр дурдсан бүх ёс жаягийг гүйцэлдүүлсэн гоё хайрцаг саванд мөнгөө хийгээд хадгалдаг байжээ. Иймд мод, хатуу цаасаар арвин их мөнгө багтахаар шидэт авдар хийж аваарай. Энэхүү авдараа өөртөө эд баялаг дуудах улаан өнгийн бөс даавуугаар бүрээд дотор нь сахиусаа хийгээрэй. Авдар дотроо мөнгөнийхөө дээж үндсэн хэсгийг заавал хадгалах ёстой бөгөөд орлогоо нэмэгдүүлэхийн тулд ингэх ёстой тул хэсэгтээ тэвчих хэрэгтэй болно. Танд эд хөрөнгө элбэг хангалуун, баян чинээлэг болох, хөгжиж цэцэглэхийг хүсэж ерөөж байна!.

Төстэй мэдээллүүд

"ЭКО 400" орон сууцны хорооллын шав тавилаа

2015/06/15, 17:17

С.Чинзориг: Ирэх онд гаднаас авах ажиллах хүчний квотыг 30 хүртэл хувиар буулгаж олгоно

2015/04/21, 11:33

Хэрхэн энергиэ дээшлүүлэх вэ?

2015/04/09, 15:03

Александр шепс: Толины хажууд яагаад зургаа авхуулж болохгүй вэ

2015/03/30, 15:08

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.