Иргэд өөрт ногдсон 1072 хувьцааг идэвхижүүлэхийн тулд www.schcd.mn –д бүртгүүлж, дансаа нээхийн тулд хөрөнгийн биржэд хандах хэрэгтэй юм. Тэгвэл энэхүү 1072 хувьцааны талаарх тоон мэдээг уншигч та бүхэндээ сонирхуулж байна.

• "Хүний хөгжил сан"-гаас иргэн бүрт 1,5 сая төгрөгийг бэлэн болон бэлэн бусаар олгохоор болсон. Тухайлбал, өндөр настан, хөгжлийн бэрхшээлтэй иргэн, оюутнууд хишиг хувиа бэлэн мөнгөөр болон сургалтын төлбөрийн хэлбэрээр аваад байгаа юм. Огт хишиг хүртээгүй иргэд Засгийн газраас "хишгээ хүртэе" хэмээн нэхэх болсон.
• Засгийн газраас эдгээр иргэдэд "Эрдэнэс тавантолгой” ТӨК-ийн 1072 хувьцааг эзэмшүүлсэн.
• Одоогийн байдлаар 300 мянган хүн нэг сая төгрөг, сургалтийн төлбөрийн 500 мянган төгрөгийн хөнгөлөлт хэлбэрээр хувьцаагаа "хүртсэн".
• 800 мянган гаруй иргэн дансаа нээгээд хувьцаагаа авсан байна.
• Харин үлдсэн 1 700 000 иргэн хувьцаагаа дансаа нээж, хувьцаагаа өөрийн болгох шаардлагатай байгаа.
• Эдгээр иргэд үнэт цаасны чиглэлээр үйл ажиллагаа явуулж буй 50 гаруй компаниас сонгон дансаа нээлгэх хэрэгтэй.
• Хувьцаагаа эдийн засгийн эргэлтэд оруулах хүсэлтэй 508 гаруй иргэн байна.
• Хувьцаагаа арилжих хүсэлтэй 1000 орчим иргэн Өргөдлийн байнгын хороонд ханджээ.
• Хувьцааг арилжих боломжийг нээгээд өгвөл нэгж бүрийн үнэ 933 төгрөгтэй тэнцэж буй.
• 1072 хувьцааг борлуулах, үр хүүхэддээ өвлүүлэх, барьцаалах боломжууд иргэдэд бий.
• 2011, 2012 онд сургалтын төлбөрийн 500 мянган төгрөгөө хувь хишгээс төлүүлсэн оюутнууд 0 хувьцаатай буюу энэ компанид хувьцаа эзэмшдэггүй гэсэн үг. Хэрэв та нэг жил сургалтын төлбөрөө төлүүлсэн бол 536 ширхэг хувьцаатай байх ёстой.
• 2011 онд эрүүл мэндийн даатгалд 9 ширхэг хувьцаагаа зарцуулсан иргэд 1,063 ширхэг хувьцаатай байгаа.
• Хэрэв та үнэт цаасны дансгүй байгаа бол 5,000 төгрөг, иргэний үнэмлэх, аль нэг банкинд буй өөрийн дансны дугаартайгаа өөрт ойр байгаа брокер дилерийн компанид очиж нээлгэх боломжтой.

Б.Дэжид