МАНАЙ ГУРВАН БӨХ АВАРГЫН ТӨЛӨӨ БАРИЛДАНА

Бичсэн:munkhbat
2018/09/07/, 17:31

ЗХУ-ын гавьяат дасгалжуулагч Дмитрий Коркиний нэрэмжит чөлөөт бөхийн эрэгтэйчүүдийн олон улсын тэмцээн хоёр дахь өдрөө үргэлжилж байна. Өнөөдөр 61, 70, 79, 92, 125 кг-ын жингийн урьдчилсан болон хагас шигшээ барилдаан болж өндөрлөлөө. Манай улсаас таван бөх хүч үзсэнээс гурав нь алт, нэг нь хүрэл, нөгөө нь дагаж барилдахаар болов.

61 кг-ын жинд ОУХМ Түмэнбилэгийн Түвшинтулга, 70 кг-д "Алдар” спорт хорооны тамирчин ОУХМ Бат-Эрдэнийн Бямбадорж, 125 кг-д ОУХМ Нацагсүрэнгийн Золбоо нар маргааш алтан медалийн төлөө барилдахаар шалгарлаа.

Т.Түвшинтулга эзэн орны Айтал Захаров, Беларусийн Андрей Бекренов, Семен Владимиров, Айсен Потаповыг ялж шигшээд "Будапешт-2016” ДАШТ-ий хүрэл медальт Азербайжаны Ахмеднаби Гварзатиловтой, Б.Бямбадорж эзэн орны Албан Аввакумов, Казахстаны Айден Тажигали, олимп, дэлхийн медальт Узбекистаны Иктиор Наврузовыг ялж шигшээд Буриадын Евгений Жербаевтай, Н.Золбоо Казахстаны Олег Болтин, Буриадын Балдан Цыжиповыг ялж шигшээд олимпийн мөнгө, хүрэл, ДАШТ-ий мөнгөн медальт Ираны Комейл Гасемитэй хүч үзнэ.

Түүнчлэн 92 кг-д ОУХМ Лувсандоржийн Төртогтох хүрэл медалийн төлөө, 79 кг-д "Лас-Вегас-2015” ДАШТ-ий мөнгөн медальт, гавьяат тамирчин Пүрэвжавын Өнөрбат дагаж барилдахаар боллоо.

Б.Од

Төстэй мэдээллүүд

Ө.Батзул, Т.Тулга нар аваргын алтан медалийн төлөө барилдана

2018/09/07, 12:25

Азийн наадмын медалийн буухиаг Э.Бэхбаяр алтаар эхлүүллээ

2018/08/20, 11:22

О.Үйтүмэн хүрэл медаль хүртлээ

2018/08/20, 10:05

Д.Алтансүх хүрэл медаль хүртлээ

2016/10/07, 08:56

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.