Татварын хуульд орсон хэд хэдэн өөрчлөлт шинэ оны эхний сараас хэрэгжиж эхэлж байгаатай холбоотойгоор үл хөдлөх хөрөнгийн татварт өөрчлөлт гарсан эсэхийг иргэд сонирхох болов. Тиймээс энэ талаар тодорхой мэдээлэл өгөх зорилгоор  бэлтгэсэн мэдээллийг хүргэж байна.

2017 оны 04 сарын 14-ний өдөр батлагдсан Хувь хүний орлогын албан татварын тухай хуульд нэмэлт өөрчлөлт оруулах тухай хуулиар "Албан татвар ногдуулах орлогын жилийн дүнд дараах хувь хэмжээгээр тооцож, хувь хүний орлогод албан татвар ногдуулахаар заажээ. Үүнд: 

1. 18,000,000 төгрөг хүртэлх орлогод 10%,
2. 18,000,000 – 30,000,000 хүртэлх орлогод 1,800,000 төгрөг дээр 18,000,000 төгрөгөөс дээш орлогын дүнгийн 15%-ийг нэмнэ.
3. 30,000,000 – 42,000,000 хүртэлх орлогод 3,600,000 төгрөг дээр 30,000,000 төгрөгөөс дээш орлогын дүнгийн 20%-ийг нэмнэ.
4. 42,000,000 түүнээс дээш орлогод 6,000,000 төгрөг дээр 42,000,000 төгрөгөөс дээш орлогын дүнгийн 25%-ийг нэмэх өөрчлөлтийг оруулсан байна. 

Үл хөдлөх эд хөрөнгө борлуулсны орлого, үл хөдлөх эд хөрөнгө түрээслүүлсний орлогод ногдуулах татварын хэмжээнд дээрх нэмэлт өөрчлөлт нь шууд хамаарна. Харин үл хөдлөх эд хөрөнгийн албан татварт дээрх нэмэлт өөрчлөлт нь хамаарахгүй юм.

Өнөөдрийн байдлаар үл хөдлөх эд хөрөнгийн татварын эрх зүйн орчин дараах байдалтай байна. Үүнд: 

ҮЛ ХӨДЛӨХ ЭД ХӨРӨНГИЙН ТАТВАР

Иргэний хуулийн 84 дүгээр зүйлийн 84.3-т зааснаар "Газар, түүнээс салгамагц зориулалтын дагуу ашиглаж үл болох эд юмс үл хөдлөх эд хөрөнгөд хамаарна. Албан татвараас чөлөөлөгдөх үл хөдлөх эд хөрөнгөнөөс бусад Монгол улсын нутаг дэвсгэрт байгаа бүх үл хөдлөх эд хөрөнгөд Үл хөдлөх эд хөрөнгийн албан татвар ногдуулдаг.

Албан татвар ногдуулах үл хөдлөх эд хөрөнгө нь газар, газраас салгамагц зориулалт, эдийн засгийн агуулгаа алдах олон наст ургамал, тарьц, суулгац, ашигт малтмалын орд болон газраас салган хэрэглэж үл болох барилга, байгууламж, орон сууцны байшин зэрэг бодит болон хийсвэр аргаар хэмжиж болохуйц тодорхой хил хязгаартай эд хөрөнгө орно . Жишээлбэл, барилга байгууламж, бие заасан инженерийн шугам сүлжээ, дэд бүтцийн байгууламж, оффис, үйлдвэр, сургуулийн барилга, агуулах, гараж, орон сууц, хаус,  хувийн сууц, байшин гэх мэт.

ТАТВАРААС ЧӨЛӨӨЛӨГДӨХ ҮЛ ХӨДЛӨХ ЭД ХӨРӨНГӨ

Дараах үл хөдлөх эд хөрөнгийг албан татвараас чөлөөлнө. Үүнд: 

1. Улсын болон орон нутгийн төсвөөс санхүүждэг хуулийн этгээдийн хөрөнгө;
2. Орон сууц;
3. Нийтийн эзэмшлийн барилга байгууламж;
4. Үйлдвэрлэл, технологийн паркийн удирдлага, нэгжийн үйлдвэрлэл, технологийн парк доторхи барилга байгууламж, бусад үл хөдлөх эд хөрөнгө;
5. Чөлөөт бүсэд баригдаж бүртгэгдсэн барилга байгууламж гэх мэт.

ТАТВАРЫН ХӨНГӨЛӨЛТ

Газраас авах үл хөдлөх эд хөрөнгийн албан татварыг дараах байдлаар хөнгөлнө. Үүнд:

1. Гэр бүлийн хэрэгцээний зориулалтаар иргэнд өмчлүүлсэн газар /нийслэлд 95%, аймгийн төвд 97%, сумын төв, тосгонд 98%/;
2. Газар тариалангийнхаас бусад аж ахуйн зориулалтаар иргэнд өмчлүүлсэн газарт /нийслэлд 30%, аймгийн төвд 70%, сумын төв тосгонд 85%/;
3. Газар тариалангийн газрыг 95%-иар;

Үл хөдлөх эд хөрөнгийн албан татвар төлөгч нь: