"Эрдэнэс Тавантолгой" ХК-ийн ТУЗ-ын гишүүд Тавантолгой-Гашуунсухайтын төмөр замын ажлын явцтай танилцлаа

Бичсэн:nomun
2021/09/10/, 15:38

"Эрдэнэс Тавантолгой” ХК-ийн Төлөөлөн Удирдах Зөвлөлийн дарга Б.Бат-Эрдэнэ болон бусад холбогдох албан тушаалтнууд өнөөдөр /2021.09.09/ Тавантолгой-Гашуунсухайтын төмөр замын ажлын явцтай танилцлаа.

Тус үеэр "Эрдэнэс Тавантолгой” ХК-ийн ТУЗ-ийн гишүүд "Эрдэнэс Тавантолгой” ХК-иас санхүүжүүлж байгаа томоохон логистик төслийн нэг бол төмөр замын төсөл юм” хэмээн онцолж төмөр зам ашиглалтад орсноор эдийн засгийн эерэг олон үр дүн авчрахыг дурдаж байлаа.

Тавантолгой-Гашуунсухайтын төмөр замын бүтээн байгуулалт нь нийт 6 зөрлөг 2 өртөөтэй баригдах юм. Одоогоор нийт /дэлгэмэл урт/ 312.8 км төмөр замаас 211 км гол зам, 49 км өртөөний замыг угсраад байна. Мөн Гашуунсухайт өртөөний хэсгийн газар шорооны ажил 88.9%, ачилтын тойргын газар шорооны ажил 100% бүрэн дууссан. Харин эрчим хүч, цахилгаан дамжуулах шугамын ажил 43.4%-тай, дохиолол холбооны ажил 15.6%-тай үргэлжилж байна. Тус чиглэлийн төмөр замын бүтээн байгуулалтын ажил ирэх оны 07-р сард ашиглалтад орно. Мөн хөндлөн тэнхлэгийн Тавантолгой-Зүүнбаян чиглэлийн төмөр замыг Тавантолгой-Гашуунсухайтын төмөр замтай холбох ажил газар шорооны ажлаар эхлээд явж байна.

Төстэй мэдээллүүд

ТЗДС-ын багш нар Тавантолгой-Гашуунсухайт чиглэлийн төмөр замын бүтээн байгуулалттай

2021/09/08, 11:09

Тавантолгой-Зүүнбаян чиглэлийн эхний 21 километр төмөр замыг угсарчээ

2020/05/11, 13:36

Тавантолгой-Зүүнбаянгийн төмөр зам ашиглалтад орсноор ашигт малтмалын 37 орд эдийн

2020/04/23, 11:41

Тавантолгой-Гашуунсухайтын төмөр замыг эрчимжүүлэх Засгийн газрын тогтоол баталлаа

2018/08/08, 13:13

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.