Эрээн чиглэлийн ачаалал өсч, нэмэлт галт тэрэг, автобус гаргажээ

Бичсэн:nomun
2019/01/14/, 13:47

Зам, тээврийн хөгжлийн сайдын шуурхай хуралдаан өнөөдөр боллоо. Өнгөрсөн шуурхай хуралдаанаар 20 үүрэг өгөгдснөөс бүрэн биелэлттэй үүрэг 4, харин найман үүрэг 70 хувийн хувийн биелэлттэй, мөн найман үүрэг 30 хувийн биелэлтэй байна.

Шуурхай хуралдааныг дэд сайд ахлаж Агаарын тээвэр, авто зам, төмөр замын салбарын хийгдэж буй ажил, төлөвлөгөөг сонслоо. Туркийн агаарын харилцааны хэлэлцээрт өөрчлөлт оруулах асуудлыг олон жил ярьж байгаа. Үүнд Үндэсний аюулгүй байдлын зөвлөл, Гадаад харилцааны яамтай харилцан нэгдсэн шийдвэрт хүрвэл дээрх өөрчлөлтийг хийх болосмжтойг ИНЕГ-аас онцоллоо. Өнгөрсөн долоо хоногт Олон улсын нислэг есөн хувиар, орон нутгийн нислэг 10 орчим хувиар өсчээ.

Монгол улсын уламжлалт баяр Сар шинийн баяр болохтой холбоотойгоор Эрээн, Замын-Үүд чиглэлд нэмэлт автобус гарган хот хоорондын зорчигч тээврийн үйлчилгээг нэмэгдүүлжээ. Хот хоорондын зорчигч тээвэр эрхэлж буй аж ахуй нэгжүүдэд зөвлөгөө мэдээлэл өгч, техникийн бүрэн бүтэн байдлыг нягтлах, аваар ослоос урьдчилан сэргийлэх, хяналтыг сайн тавих чиглэл өгөн ажилласан гэж АТҮТ-ын дарга П.Дэлгэрнаран мэдээллээ. Мөн Налайх чиглэлийн нүүрс тээвэрлэлтэд хяналт тавьж, шалгалт явуулахаар өлөвлөж байна.

"Улаанбаатар төмөр зам" ТӨХК-ийн мэдээлж буйгаар төмөр замаар 526.0 тонн ачаа, 53 мянга орчим зорчигч тээвэрлэснээс Замын-Үүд-Эрээн чиглэлийн зорчих хөдөлгөөн ачаалалтай байна. Үүнтэй холбоотой 44 дүгээр галт тэргийг нэмэлтээр гарган хөдөлгөөнд оролцуулжээ. БНХАУ-ын талаас угаасан нүүрс авах болсонтой холбоотойгоор өнгөрсөн долоо хоногт чингэлэгийн галт тэрэгний солилцоо буурсан үзүүлэлттэй байна.

Одоо хийгдэж буй ажлаа төлөвлөгөөний дагуу бүрэн биелүүлж, хяналт тавьж ажиллахыг Зам, тээврийн хөгжлийн дэд сайд Л.Халтар газар, хэлтсийн дарга, харьяа байгууллагын удирдлагуудад үүрэг болголоо.

Зам, тээврийн хөгжлийн яам

Төстэй мэдээллүүд

З.Энхболд МЖБХ-ны тэргүүн дэд ерөнхийлөгчөөр сонгогджээ

2019/01/14, 12:48

Жүдо бөхийн зүүн азийн аварга шалгаруулах тэмцээнд хоёр солонгос нэгдсэн баг илгээнэ

2018/06/07, 09:40

Олимпоос алтан медаль хүртсэн тамирчинг 111 сая төгрөгөөр шагнана гэв

2016/07/28, 07:59

РИО2016: Монголын тугчаар Баттулгын Тэмүүлэн тодорлоо

2016/07/20, 08:29

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.