Газрын зөрчилтэй иргэн, аж ахуйн нэгжид шаардлага хүргүүллээ

Бичсэн:marta
2018/09/14/, 09:29

Нийслэлийн нутаг дэвсгэрт Газрын зөрчил арилгах нэгдсэн арга хэмжээ үргэлжилж байна. Үүнтэй холбогдуулан нийслэлийн Засаг даргын орлогч П.Баярхүү ажлын хэсгийн хамт Баянзүрх, Чингэлтэй дүүрэгт явуулж буй газрын зөрчил арилгах ажлын явцтай танилцаж, үүрэг чиглэл өглөө. Баянзүрх дүүргийн I, XXVI хороонд одоогийн байдлаар нийт гурван байршилд газрыг чөлөөлжээ. Тус дүүргийн I болон XV хороонд шинээр тавихаар төлөвлөж буй автозамын трасст өртсөн хэсэгт хаалт хийснийг чөлөөлж, замын ажил чөлөөтэй хийх боломжийг бүрдүүлжээ.

Дүүргийн III хороонд шинээр төлөвлөсөн хэсэгт авто болон явган хүний зам гаргаж, орц гарцыг нээжээ. Чингэлтэй дүүргийн хувьд нийт есөн байршилд газар чөлөөлөлтийг хийсэн байна. Үүнд, Чингэлтэй дүүргийн XVI хороо, 138 дугаар сургууль, 221 дүгээр цэцэрлэгийн урд авто зогсоол хийхээр төлөвлөсөн хэсгийн газрыг бүрэн чөлөөлж, тохижилтын ажлыг хийх боломжтой болгожээ. Энэ үеэр нийслэлийн Засаг даргын орлогч П.Баярхүү нийслэлийн бүтээн байгуулалтын ажлыг дэмжин газар чөлөөлөлтийн ажлыг цаг агаар хүйтрэхээс өмнө төлөвлөгөөний дагуу яаравчлан хийж, зөрчлийг арилгахгүй байгаа иргэн, аж ахуйн нэгжид шат дараатай шаардлага хүргүүлэхийг дүүргийн Газрын албаны холбогдох хүмүүст үүрэг болголоо.

Төстэй мэдээллүүд

ЧИНГЭЛТЭЙ, БАЯНЗҮРХ ДҮҮРЭГТ ГАЗАР ЧӨЛӨӨЛӨХ АРГА ХЭМЖЭЭ ҮРГЭЛЖИЛЖ БАЙНА

2018/09/13, 17:42

Есдүгээр сарын 1-нээс өмнө 100 айлын үйлдвэрүүдийг нүүлгэх чиглэл өглөө

2018/05/29, 12:56

Баянзүрх дүүрэг дэх баар, цэнгээний газруудад шөнийн шалгалт хийжээ

2018/05/01, 11:53

Зөвшөөрөлгүй авто худалдаа эрхлэгчдийг нүүлгэн газрыг чөлөөлж байна

2018/01/12, 15:45

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.