Таван нам УИХ-ын 42 дугаар тойргийн нөхөн сонгуульд оролцохоо илэрхийлээд байна

Бичсэн:saikhnaa
2018/08/07/, 10:53

Улс төрийн намууд Монгол Улсын Их Хурлын сонгуулийн 42 дугаар тойргийн нөхөн сонгуульд оролцох хүсэлтээ ирүүлж байгаа талаар СЕХ-ноос мэдээллээ.

Улс төрийн намууд Монгол Улсын Үндсэн хууль болон бусад хуулийг дагаж мөрдөхөө илэрхийлэн, 2018 оны 10 дугаар сарын 07-ны өдөр явагдах Улсын Их Хурлын сонгуулийн 42 дугаар тойргийн нөхөн сонгуульд оролцох тухайгаа Сонгуулийн Ерөнхий Хороонд албан ёсоор уламжилж байна.

2018 оны найдугаар сарын 6-ны өдрийн байдлаар Монгол Ардын Хувьсгалт Нам, Хөдөлмөрийн Үндэсний Нам, Ардчилсан Нам, Дэлхийн Монголчууд Нам, Үнэн ба Зөв Намууд Сонгуулийн тухай хуулийн 121 дүгээр зүйлд заасны дагуу сонгуульд оролцох тухай шийдвэрээ бусад баримт бичгийн хамт Сонгуулийн ерөнхий хороонд ирүүлжээ.

Нам, эвслүүд сонгуульд оролцох тухай хүсэлтээ хуульд заасан хугацаанд буюу 2018 оны наймдугаар сарын 08-ны өдрөөс өмнө СЕХ-нд хүргүүлэх юм.

СЕХ нам, эвслийн баримт бичгийг хүлээн авах, нягтлан шалгах үүрэг бүхий Ажлын хэсэг байгуулан ажиллуулж байгаа бөгөөд сонгуульд оролцох тухай нам, эвслийн баримт бичгийг хүлээн авснаас хойш тав хоногт багтаан сонгуульд оролцох нам, эвслийг бүртгэх эсэх тухай асуудлыг СЕХ-ны хуралдаанаар хэлэлцэн шийдвэр гаргана.

Эх сурвалж: СЕХ

Төстэй мэдээллүүд

Нөхөн сонгуульд таван нам өрсөлдөнө

2018/08/07, 09:15

Нөхөн болон дахин сонгуульд сонгогчдын 50-иас илүү хувь нь оролцов

2018/06/25, 10:24

Нам, эвсэл, нэр дэвшигчид сонгуулийн зардлын тайлангаа ирүүлнэ үү

2016/07/26, 14:11

МАН сонгуулд оролцох хүсэлтээ СЕХ-нд өглөө

2016/04/28, 12:29

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.