“Эрдэнэт” үйлдвэрийн хамт олноос гавьяат төрлөө

Бичсэн:tonshuul
2015/07/09/, 10:05

Тулгар төрийн 2224 жил, Их Монгол Улс байгуулагдсаны 809 жил, Үндэсний эрх чөлөө тусгаар тогтнолоо сэргээн мандуулсны 104, Ардын хувьсгалын 94 жилийн ойг тохиолдуулан Монгол улсын Ерөнхийлөгчийн зарлиг гаргажээ. Төрийн дээд цол, одон, медалиар шагнах ёслолын ажиллагаа өнөөдөр Төрийн ордонд боллоо.

Монгол улсын уул уурхайн салбарт оруулсан хувь нэмрийг төр засаг өндрөөр үнэлж, Эрдэнэт үйлдвэр ХХК-ийн Ерөнхий захирлын Үйлдвэрлэл эрхэлсэн орлогч Доржийн Даваасамбууд Аж үйлдвэрийн гавьяат цол хүртээлээ.Тэрээр Техникийн ухааны дэд эрдэмтэн, уулын механик мэргэжилтэй бөгөөд 30 гаруй жилийн ажил амьдралаа уул уурхайн салбарын хөгжилд зориулжээ.

Эрхүү хотын Политехникийн их сургуулийг 1981 онд төгсөж "Эрдэнэт” үйлдвэрийн Баяжуулах фабрикт тоног төхөөрөмжийн засварчнаас ажлын гараагаа эхэлж байсан бол өдгөө тус үйлдвэрийн Ерөнхий захирлын Үйлдвэрлэл эрхэлсэн орлогчоор томилогдон ажиллаж байна. "Ажил амьдралын гараагаа эхэлсэн "Эрдэнэт” хэмээх энэ сайхан хамт олонтойгоо байхдаа Монгол улсын Аж үйлдвэрийн гавьяат ажилтан хэмээх төрийн өндөр дээд цол хүртсэндээ баяртай байна.

Энэ бол миний хамт олны хичээл зүтгэлийн үр дүн, "Эрдэнэтийн овоо”-ны буян хишиг юм” гэж Эрдэнэт үйлдвэр ХХК-ийн Ерөнхий захирлын Үйлдвэрлэл эрхэлсэн орлогч, Монгол улсын Аж үйлдвэрийн гавьяат ажилтан Д.Даваасамбуу сэтгэгдлээ хуваалцлаа.

Төстэй мэдээллүүд

“Бэрэн” группын баригдаагүй байрныхаа төлбөрийг хоёр жил төлжээ

2015/07/08, 09:39

Цемент, арматурын үнийг тогтоох 43 тэрбум салхинд хийссэн үү?

2015/04/15, 12:11

Ипотекийн зээлийн талбайн хэмжээг хязгаарлахгүй байхаар судалж байна

2015/03/25, 14:37

Хэнтий аймаг дахь шийдвэр гүйцэтгэх албаны 24 албан хаагч орон сууцтай болжээ

2015/03/11, 18:28

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.