ИРГЭНИЙ АНДГАЙ ӨРГӨХ ЁСЛОЛД 850 ХҮҮХЭД ОРОЛЦОНО

Бичсэн:munkhbat
2017/11/21/, 10:43

Монголын Залуучуудын Холбоо 15 дахь жилдээ "Монгол Улсын Иргэний андгай өргөх ёслол”-ыг Гэр бүл, Хүүхэд, Залуучуудын агентлагтай хамтран энэсарын 26-ны өдөр Ерөнхий сайдын ивээл дор зохион байгуулах гэж байна.

Иргэний андгай өргөх ёслолд уламжлал ёсоор 850 хүүхэд оролцож иргэний андгайгаа өргөх бөгөөд оролцож буй сурагчдад BE брэндийн мөнгөн дугаар, Гоо брэндийн гарын бэлэг, Монголын Үндэсний Музейтэй үнэ төлбөргүй танилцах зэрэг бэлгүүдийг ивээн тэтгэгч байгууллагууд бэлдсэн байгаа юм.

Уг үйл ажиллагааны бас нэгэн уламжлал болсон зүйл бол энэ цаг үед амжилттай яваа, залуу үеийн үлгэр дуурайлал болсон эрхмүүдээс иргэний үнэмлэхээ гардаж авах байдаг юм. Энэ жилийн ёслолд Ерөнхий Сайд У.Хүрэлсүх, Монгол Улсын хоёр дахь Ерөнхийлөгч Н.Багабанди, Төрийн Соёрхолт ардын жүжигчин Н.Сувд, МУГЖ Т.Ариунаа, Киви хамтлагийн дуучин Ука буюу Д.Уламбаяр, Загвар өмсөгч, Яг түүн шиг шоуны оролцогч Э.Энхболд, Загвар өмсөгч, Дэлхийн Мисс тэмцээний шилдэг 15 оролцогчийн нэг Ц.Энхжин нар 16 настнуудад иргэний үнэмлэхийн гардуулж өгөх юм байна.

Монгол Улсын Иргэний андгай өргөх ёслолын зорилго нь иргэн хүний хувьд эх оронч үзэлтэй, ёс суртахууны өндөр соёлтой, хөдөлмөрч, ёс заншлаа эрхэмлэн дээдэлдэг тоох соёлоороо бахархах үзлийг төлөвшүүлэхэд оршиж байдаг. Монголын Залуучуудын Холбоо 2017 оныг "Залуусаа Нэмье” уриалгатай өрнүүлж, залуучуудын хөдөлмөр эрхлэлт, эрүүл мэнд, боловсрол, Монгол өв уламжлалаа түгээн дэлгэрүүлэх их ажлуудыг хийж хэрэгжүүлж байгаагийн нэг нь энэхүү "Монгол Улсын Иргэний андгай өргөх ёслол” билээ.

Төстэй мэдээллүүд

Ерөнхийлөгчийн тангараг өргөх ёслол даваа гарагт болно гэв

2017/07/08, 14:49

5 жил завсарласан “ Алма Матер”-ын шилдгүүд маргааш тодорно

2016/12/22, 13:53

ХҮҮХДҮҮД АНДГАЙ ӨРГӨЖ ИРГЭНИЙ ҮНЭМЛЭХЭЭ ГАРДАН АВЛАА

2016/11/28, 17:40

2015 оны ”Miss Mongolia” тэмцээний ялагчаар Ц.Аззаяа тодорлоо

2015/10/05, 14:48

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.