Австрийн Элчин сайд Иренэ Гинер-Райхлыг хүлээн авч уулзав

Бичсэн:munkhbat
2017/06/13/, 13:59

Гадаад харилцааны яамны Төрийн нарийн бичгийн дарга Д.Даваасүрэн Бүгд Найрамдах Австри Улсаас Монгол Улсад суугаа Онц бөгөөд Бүрэн эрхт Элчин сайд Иренэ Гинер-Райхлыг бүрмөсөн буцаж буйтай нь холбогдуулан хүлээн авч уулзав.

Уулзалтаар хоёр орны харилцаа, хамтын ажиллагааны асуудлууд, тухайлбал Монгол, Австрийн Засгийн газар хооронд байгуулсан Санхүүгийн хамтын ажиллагааны хэлэлцээрийн хүрээнд австрийн талаас олгох 40 сая еврогийн хөнгөлөлттэй зээлээр хэрэгжих төслүүдийн талаар ярилцав.

Монгол Улсын Ерөнхийлөгчийн зарлигаар хоёр орны харилцаа, хамтын ажиллагааг өргөжүүлэн хөгжүүлэх үйлсэд оруулсан хувь нэмрийг нь үнэлж Элчин сайд Иренэ Гинер-Райхлыг "Найрамдал” медалиар шагнасныг Төрийн нарийн бичгийн дарга Д.Даваасүрэн гардуулав.

Шагнал гардуулах үеэр Төрийн нарийн бичгийн дарга Д.Даваасүрэн хэлэхдээ энэхүү шагнал нь Монгол Улс Австри Улстай хөгжүүлж буй харилцаандаа өндөр ач холбогдол өгч байдгийн илрэл гэдгийг онцлов.

"Венийн өдрүүд” соёлын арга хэмжээ, бизнес чуулга уулзалт Улаанбаатар хотноо 6 дугаар 12-14-нд зохион байгуулагдаж буй бөгөөд Австрийн уран бүтээлчид, бизнесийн төлөөлөл оролцож байна.

Нийтэлсэн: Гадаад харилцааны яам

Төстэй мэдээллүүд

Ерөнхий сайд Ж.Эрдэнэбат БНХАУ-ын элчин сайд Син Хайминийг хүлээн авч уулзлаа

2016/08/10, 10:33

Сайд Н.Батцэрэг ЗГ хоорондын хуралдааныг тэргүүллээ

2015/09/24, 12:14

Бүгд Найрамдах Болгар Улсын Ерөнхийлөгч Р.Плевнелиев Монгол Улсад төрийн айлчлал хийхээр

2015/05/11, 09:50

Элчин сайдыг хүлээн авч уулзлаа

2015/03/17, 15:55

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.