ГЭР БҮЛИЙН ХҮЧИРХИЙЛЛИЙН ТУХАЙ ХУУЛИЙГ БАТЛАХЫГ ШААРДАН ЖАГСЛАА

Бичсэн:soyoloo
2016/09/05/, 08:50

Гэр бүлийн хүчирхийллийн хуулийг 12 жилийн дараа шинэчлэн өнгөрсөн хавар батласан билээ. Энэ хууль нь одоо чуулганаар хэлэлцээд буй Эрүүгийн хууль, Зөрчлийн хууль болон Эрүүгийн хэрэг хянан шийдвэрлэх тухай хууль, Хууль сахиулах ажиллагааны тухай хууль, Шүүхийн шийдвэр гүйцэтгэх тухай хуулиудтай нягт уялдаатайгаар хуульчлагдсан юм. Уг хууль энэ есдүгээр сарын 1-нээс эхлэн хэрэгжиж эхлэхээр байв.

Гэвч Засгийн газар уг хуулийг эргүүлэн татсан. Уг нь иргэдийн дунд хүлээлт үүсгээд байсан хуулиудын нэг байсан. Тэгвэл хуулийг эргүүлэн татсан асуудлыг олон нийт ихээхэн эсэргүүцэж, өнгөрөгч бямба гарагт тайван жагсаал хүртэл зохион байгууллаа. Энэ үеэр уриа лоозон барьж, лаа асаан гэр бүлийн хүчирхийллийг эсэргүүцсэн юм.

Гэр бүлийн хүчирхийллийн хуульд шинэчлэлийг хийснээр гэр бүлийн хүчирхийлэл анх удаа гэмт хэрэгт тооцогдох эрхзүйн орчин үүсч байсан юм. Хүчирхийлэл үйлдсэн хүн хохирогчид дөхөж очихыг тодорхой хугацаагаар хориглох, зан үйлд нөлөөлөх албан сургалтад хамруулах зэрэг хорихоос өөр төрлийн ял, албадлагын арга хэмжээг хүлээлгэх, хүүхдэд үйлдсэн хүчирхийллийг бүх хүн мэдээллэх үүрэгтэй байхаар тусгаж өгсөн.

Хохирогчийг хамгаалах зорилгоор долоон төрлийн үйлчилгээг албан ёсоор хуулинд тусгаж өгсөн бөгөөд хохирогчийн эрх, хууль ёсны ашиг сонирхлыг шүүхийн шатанд хамгаалах үүргийг прокурор гүйцэтгэнэ гэх зэрэг олон давуу талуудыг хуулинд тусгаж өгсөн юм. Мөн уг хууль хэрэгжиж эхэлснээр гэр бүлийн хүрээнд хүчирхийллэл буурах, энэ төрлийн хэргээр гэмт хэргийн холбогдогч багасах ач холбогдолтой байсан билээ.

Б.Сансар
olloo.mn

Төстэй мэдээллүүд

Хуулиудыг буцаах тухай УИХ-ын тогтоолыг баталлаа

2016/08/30, 15:50

Шүүхийн байр гэрч, хохирогчийг хамгаалах өрөөтэй боллоо

2015/05/08, 17:49

Гэр бүлийн хүчирхийллийн хохирогчдод туслах “АЮУЛГҮЙ УТАС” аян амжилттай зохион

2015/04/16, 13:48

Инээх эрхгүй амьдрал

2015/04/13, 11:07

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.