Бичсэн:namuunaa
2016/01/12/, 10:54

Tweet

Оросын Ерөнхийлөгч Владимир Путин Германы "Bild" сонины сэтгүүлчдэд ярилцлага өглөө. Ярилцлага 1-р сарын 5-нд болсон ч одоо л олон нийтэд цацжээ.

Асуулт: Саяхан бид "хүйтэн дайн" дууссаны 25 жилийг тэмдэглэсэн. Гэтэл он удаан жил болоогүй асар олон дайн дажин, хямрал өнгөрсөн жил дэлхий даяар дэгдлээ. Бид юуг буруу хийв?
Путин: Та нар шууд гол асуултыг асуулаа. Бид бүгдийг буруу хийсэн, эхний алхмаас л эхлээд. Европын хагарлыг бид даван туулж чадсангүй. 25 жилийн Берлины хана нурсан ч Европын хагарлыг арилгаж чадсангүй. Үл үзэгдэх ханыг зүгээр л дорно зүг рүү шилжүүлэн тавьсан. Энэ нь хожмын харилцан шүүмжлэл, үл ойлголцол, хямралыг үүсгэлээ. Берлины хана нурсны дараа НАТО дорно зүг рүү тэлэхгүй гэж тухайн үеийн генсек, Германы иргэн Вернер амлаж байсныг би санаж байна...  Би та нартай уулзахаар ирэхдээ 1990-ээд оны ЗХУ-ын удирдагчдын архивыг авч ирлээ. Эдгээрийг хэзээ ч, хаана ч хэвлэж нийтэлж байгаагүй.

Асуулт: Эдгээр баримт чинь ярилцлага уу?
Путин: Үгүй, энэ бол Германы улстөрчид Геншер, Коля, Бар нарын Зөвлөлтийн удирдагчидтай хийсэн ажил хэрэгч ярианы хэсэг. Горбачёв болон тухайн үед Төв Хорооны олон улсын хэлтсийг толгойлж байсан Фалин нартай ярьсан яриа байна. Үүнийг хэзээ ч нийтэд мэдээлэх ёсгүй байсан, харин та нар анхны сонсогчид. Ноён Эгон Бар юу хэлснийг сонс доо. "Хэрэв хоёр Германыг нэгдэх үед Европыг дайсагнасан эвслүүд болж хуваагдахаас сэргийлэн шийдвэрлэх алхмуудыг авахгүй бол их таагүй байдлаар эргэж ЗХУ-ыг олон улсаас тусгаарлах магадлалтай" гэж тэр ярьсан. Үүнийг 1990 оны 6-р сарын 26-нд хэлсэн байна. Европын төвд шинэ эвсэл байгуулах ба тэр нь НАТО-д элсэхгүй байх ёстой гэж ноён Бар хэлжээ. ЗХУ ба АНУ-ын оролцоотойгоор Төв Европ бүхэлдээ (Зүүн Герман орсон ороогүй) тусдаа холбоо болох байжээ. Бар "НАТО өөрөө Төв Европ даяар тэлэхгүй байх ёстой" гэсэн байна...  Гэтэл ноён Барын сэрэмжлүүлж байсан зүйл яг болж, НАТО дорно зүг рүү тэлсээр л байна.

Өмнөх 20-25 жилд, ялангуяа дэлхийн хүчний 2 дахь төв ЗХУ задарсны дараа НАТО дангаараа алдар цуу, эрх мэдлийн оргилд ноёрхохоос татгалзаж чадаагүй. Тэгээд олон улсын эрх зүй, НҮБ-ын дүрэм зэргийг үл тоож, өөрт нь саад болох үед эдгээр дүрэм журмыг шууд л хуучирсан гэж мэдэгдэх болжээ... 2009 онд АНУ-ын Ерөнхийлөгч Барак Обама "Хэрэв Ираны
 

Асуулт: Та бидний анд найз мөн үү, биш үү?
Путин: Улс орнуудын харилцаа бол хүмүүс хоорондынхоос арай өөр. Би танай найз биш, сүйт бүсгүй эсвэл сүйт хархүү ч биш. Би бол ОХУ-ын Ерөнхийлөгч, 146 сая хүнтэй. Эдгээр хүн бүрт өөрийн ашиг сонирхол бий, би түүнийг нь хамгаалах ёстой. Бид үүнийг заавал сөргөлдөхгүйгээр хийхэд бэлэн байна, бид зөвшилцлийг эрж хайхад бэлэн. Гэхдээ мэдээж, олон улсын эрх зүйн үндсэн дээр" хэмээн хариуллаа.