Тухайлбал, Сонгинохайрхан дүүргийн Иргэний хэргийн анхан шатны шүүхийн шүүгч, Ерөнхий шүүгч Б.Цолмонбаатар, Захиргааны хэргийн давж заалдах шатны шүүхийн шүүгч Э.Халиунбаяр,  Улсын дээд шүүхийн шүүгч Ц.Амарсайхан, Чингэлтэй дүүргийн Иргэний хэргийн анхан шатны шүүхийн шүүгч, Ерөнхий шүүгч Б.Сайханцэцэг, Улсын дээд шүүхийн шүүгч Д.Цолмон, Улсын дээд шүүхийн шүүгч Г.Цагаанцоож, Нийслэлийн Иргэний хэргийн давж заалдах шатны шүүхийн шүүгч, Ерөнхий шүүгч Ж.Оюунтунгалаг, Нийслэлийн Иргэний хэргийн давж заалдах шатны шүүхийн шүүгч Д.Дэлгэрцэцэг, Нийслэлийн Иргэний хэргийн давж заалдах шатны шүүхийн шүүгч Д.Байгалмаа, Улсын дээд шүүхийн шүүгч, Иргэний хэргийн танхимын тэргүүн Х.Сонинбаяр, Улсын дээд шүүхийн шүүгч П.Золзаяа, Баянзүрх дүүргийн Иргэний хэргийн анхан шатны шүүхийн шүүгч, Ерөнхий шүүгч С.Амардэлгэр, Баянзүрх дүүргийн Иргэний хэргийн анхан шатны шүүхийн шүүгч Т.Энхжаргал, Нийслэлийн Иргэний хэргийн давж заалдах шатны шүүхийн шүүгч Б.Нармандах, Нийслэл дэх Захиргааны хэргийн анхан шатны шүүхийн шүүгч С.Төмөрбат, Багануур дүүргийн Эрүүгийн хэргийн анхан шатны шүүхийн шүүгч Н.Нарантуяа, Хан-Уул дүүргийн Эрүүгийн хэргийн анхан шатны шүүхийн шүүгч П.Туяат нарын шүүгчийн бүрэн эрхийг тус тус түдгэлзүүлсэн.

Нэр дурдагдсан шүүгч нарыг авлига албан тушаалын хэрэгт холбогдсон байж болзошгүй учир ийнхүү шүүгчийн бүрэн эрхийг нь түдгэлзүүлсэн гэдгийг тухайн үед УИХ-ын зарим гишүүд мэдэгдэж байсан. Улмаар Улсын дээд шүүхийн шүүгч П.Золзаяа, Улсын дээд шүүхийн шүүгч Х.Сонинбаяр, Улсын дээд шүүхийн шүүгч Г.Цагаанцоож, Улсын дээд шүүхийн шүүгч Д.Цолмон нарыг Авлигатай тэмцэх газраас шалгаж эхэлсэн юм.

Эх сурвалжийн мэдээлс­нээр, дээрх шүүгч нарыг үндэслэлгүйгээр хөрөнгөжсөн гэх үндэслэлээр шалгаж эхэлсэн нь Салхитын мөнгөний ордны хэрэгтэй шууд холбогдож байгаа аж. Одоогоор хэргийн мөрдөн шалгалтын ажиллагаа үргэлжилж байгаа ба албан тушаалаас нь түдгэлзүүлсэн шүүгч нараас дахин хоёр шүүгч энэ хэрэгт холбогдож байгаа гэх албан бус мэдээлэл байна.

Ерөнхийлөгчийн зарлигаар эрхийг нь түдгэлзүүлсэн 17 шүүгчийн тав нь ийнхүү хуулийн байгууллагад шалгагдаж байгаа бол үлдсэн 12 шүүгчийг ямар үндэслэлээр чөлөөлсөн тухай мэдээллийг Шүүхийн ерөнхий зөвлөлөөс нууцалж байгаа юм.

Энэ асуудлын талаар Монгол Улсын ерөнхийлөгчийн тамгын газрын дарга З.Энхболд өчигдөр хийсэн мэдээллийнхээ үеэр дээрх чөлөөлөгдсөн 17 шүүгч нар бүгд их хэмжээний авлига авсан хэрэгт холбогдсон тухай дурдаад Шүүхийн ерөнхий зөвлөл өнгөрсөн хугацаанд ажлаа огт хийгээгүй гэдгийг онцолсон юм. Ямартай ч эдгээр шүүгч нар нэр цэвэр бол бүрэн эрхийг нь сэргээх, үнэхээр тэдний хэлж байгаа шиг тэрбум давсан хэмжээний авлига ашиг сонирхлын хэрэгт холбоотой бол хуулийн байгууллагаас шалгалт явуулж асуудлыг нэг талд шийдвэрлэх нь зүй ёсны хэрэг билээ.