З.Энхболдыг гүтгэсэн хэмээн торгуулсан Л.Наранбаатарын шийтгэлийг хүчингүй болголоо

Бичсэн:zulaa
2020/03/31/, 16:20

Цагдаагийн Ерөнхий газрын Нийгмийн хэв журам хамгаалах Олон нийтийн аюулгүй байдлыг хангах албанаас 2020 оны нэгдүгээр сарын 7-ны өдөр иргэн Л.Наранбаатарыг Зөрчлийн тухай хуулийн 6.21 дүгээр зүйлийн 1 дэх хэсэг заасан З.Энхболдыг "Гүтгэх” зөрчил үйлдсэн гэж 2.000.000 төгрөгөөр торгох шийтгэл оногдуулсан байна.

Уг торгох шийтгэлийг эс зөвшөөрч иргэн Л.Наранбаатар нь Сүхбаатар дүүргийн Эрүүгийн хэргийн анхан шатны шүүхэд гомдол гаргасан ба шүүх гомдлыг хүлээн авч энэ сарын 30-ны өдрийн хуралдаанаар хянаад: Л.Наранбаатар нь иргэн З.Энхболдын нэр төр, ажил хэргийн нэр хүндийг гутаан доромжилсон мэдээллийг нийтийн сүлжээгээр тарааж "Гүтгэх” зөрчил үйлдсэн болохыг тогтоож, эрх бүхий албан тушаалтнаас шийтгэл оногдуулсан шийдвэр нь үндэслэлтэй байна гэж дүгнэсэн.

2020 оны нэгдүгээр сарын 10-нд батлагдсан Зөрчлийн тухай хуульд нэмэлт өөрчлөлт оруулах тухай хуулийг нэгдүгээр сарын 24-ний өдрөөс эхлэн дагаж мөрдсөн ба дээрх хуулиар 6.21 дүгээр зүйлд заасан "Гүтгэх” зөрчил нь хүчингүй болсонд тооцсон байна. Л.Наранбаатарын гаргасан зөрчил нь Зөрчлийн тухай хуульд нэмэлт өөрчлөлт оруулах тухай хууль батлагдан хэрэгжиж эхлэхээс өмнө үйлдэгдсэн тул Зөрчлийн тухай хуулийн 1.4 дүгээр зүйлийн 6 дахь хэсэгт зааснаар Зөрчил үйлдсэн хүний эрх зүйн байдлыг дээрдүүлсэн хуулийг буцаан хэрэглэж Л.Наранбаатарт оногдуулсан шийтгэлийг хүчингүй болгож шийдвэрлэсэн байна.

Эх сурвалж: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газар

Төстэй мэдээллүүд

Л.Наранбаатар шүүх дээр З.Энхболдыг ялжээ

2020/03/31, 10:44

Хар тамхины наймаачин С.Баярмаа нарт 5-6 жилийн хорих ял оноов

2020/02/04, 11:16

Эгчийгээ шатааж хөнөөсөн этгээдүүдэд бүх насаар нь хорих ял оноожээ

2019/03/14, 12:32

Г.ШИЙЛЭГДАМБАД ОНОГДУУЛСАН ЯЛЫГ 4.6 ЖИЛ БОЛГОН ӨӨРЧИЛЛӨӨ

2018/02/10, 14:22

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.