Ираны эсрэг авсан хориг арга хэмжээ хүчин төгөлдөр хэрэгжиж эхэлнэ

Бичсэн:marta
2019/05/02/, 11:53

Ираны эсрэг авсан АНУ-ын хориг арга хэмжээ өнөөдрөөс бүрэн хэрэгжиж эхэлнэ. Хориг арга хэмжээг нэвтрүүлснээс хойш хагас жилийн дараа бүрэн хэрэгжиж байна. Энэ сарын 2-ноос эхлэн Ираны газрын тосны импортод олгосон түр зөвшөөрлөө АНУ-ын эрх баригчид сунгахгүй байхаар шийдсэн байна.

Энэ шийдвэр нь газрын тосны үнийг нэг торх нь 75 ам.доллараас дээш болгож нэмэгдүүлжээ. Гэсэн хэдий ч Ираны эсрэг хориг арга хэмжээ авсантай холбоотойгоор зах зээл дээр үүсэж буй хомсдолыг газрын тосоороо нөхнө хэмээнОПЕК+хэлэлцээрт оролцогч улсууд мэдэгдсэн нь зах зээлийг тогтворжуулжээ. Түүнчлэн хомсдол үүсгэхгүй гэдгээ АНУ ч мэдэгдэж байсан юм.

АНУ хориг арга хэмжээ авсан нь тус улс Ираны цөмийн хөтөлбөрийн асуудлаарх хэлэлцээр болох Үйл ажиллагааны хамтарсан цогц төлөвлөгөөнөөс 2018 оны 5 дугаар сард дангаар гарч буйгаа зарласантай холбоотой юм. Цөмийн хөтөлбөрийн асуудлаарх хэлэлцээрт Ираны эсрэг авсан НҮБ-ын Аюулгүйн Зөвлөл, АНУ, Европын Холбооны хориг арга хэмжээнүүдийг цуцлахаар болсны хариуд тус улс цөмийн хөтөлбөрөөсөө татгалзахыг тусгасан юм. Хэлэлцээрт оролцогч талууд АНУ-ын эрх баригчдын шийдвэрийг дэмжээгүй юм.

Төстэй мэдээллүүд

Ираны цөмийн хэлэлцээрээс АНУ гарлаа

2018/05/09, 09:58

АНУ хориг арга хэмжээгээ дахин эхлүүлбэл Ираны цөмийн хэлэлцээрээс Иран гарна

2017/10/31, 11:56

Рухани: Ираны цөмийн асуудлаарх хэлэлцээрийг хэн ч үгүйсгэж болохгүй

2017/10/09, 13:40

Иран цөмийн асуудлаарх хамтын мэдэгдлийг дагаж мөрдөхөө илэрхийлэв

2015/04/04, 18:11

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.