Аялал жуулчлал, зочлох үйлчилгээний салбарынхан өргөн хүрээний экспо зохионо

Бичсэн:khulan
2022/05/12/, 17:18

Зочлох үйлчилгээний салбарт инновацыг нэвтрүүлэх, бүтээгдэхүүн үйлдвэрлэгч аж ахуйн нэгж байгууллагын үйл ажиллагааг дэмжих, зах зээлээ өргөжүүлэх, өрсөлдөх чадвараа нэмэгдүүлэх, түншлэлийг бий болгох зорилготой "Зочид буудал, зоогийн газрын хангамжийн үзэсгэлэн”-г тавдугаар сарын 13,14-ний өдрүүдэд Улаанбаатар зочид буудлын "Еvent hall” танхимд зохион байгуулна. Мөн үеэр салбарын хүний нөөцийг чадавхжуулах, туршлага солилцох, ажил мэргэжлийг сурталчлах үүднээс "Зочлох үйлчилгээний салбарын мэргэжлийн аварга шалгаруулах тэмцээн”-ийг уламжлал ёсоор явуулах юм.

"Аялал жуулчлал ба ажил эрхлэлт” хөдөлмөрийн яармаг зохиож, аялал жуулчлалын салбарт ажиллах сонирхолтой оюутан залуус, идэвхтэй ажил хайгч иргэдийг түр болон байнгын ажлын байртай болоход туслахын сацуу аялал жуулчлалын байгууллагуудад шаардлагатай байгаа мэргэжлийн ажилтнаа олоход нь дэмжлэг үзүүлэх, ажил олгогч, ажил хайгч иргэдийг холбоно.

Түүнчлэн "Зочлох үйлчилгээний салбарын цахим шилжилт” хэлэлцүүлэг, мэргэжлийн тогооч нарын BATTLE /багийн халз тэмцээн/, бартендерийн үзүүлбэр /BARMONEY/, урлагийн тоглолт зэргийг өргөн хүрээний олон эвентийг багтаагаад байна. Холбогдох мэдээллийг Нийслэлийн Аялал жуулчлалын газрын 70148687 тоот утас, ubtourism@gmail.com/ цахим хаягаар авна уу.

Төстэй мэдээллүүд

МАН жуулчдын тоог нэг саяд хүргэх зорилт дэвшүүллээ

2020/06/19, 01:27

Аялал жуулчлалын судалгааны нэгдсэн сантай болно

2019/12/09, 12:06

“Улаанбаатарын өвлийн наадам” "Скай Резорт" цогцолборт болно

2019/02/14, 09:34

“ЦАЙНЫ ЗАМЫН ХАМТЫН АЖИЛЛАГАА, АЯЛАЛ ЖУУЛЧЛАЛЫН УУЛЗАЛТ”-ЫГ ЗОХИОН БАЙГУУЛАВ

2017/12/22, 14:45

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.