БНХАУ-ын 41 иргэнийг Монгол Улсаас албадан гаргаж, 102 иргэний оршин суух зөвшөөрлийг цуцаллаа

Бичсэн:zulaa
2019/10/02/, 10:19

Гадаад иргэн харьяатын газрынхан орон нутагт уул уурхай, барилга, малын гаралтай түүхий эд, мах махан бүтээгдэхүүний үйлдвэрлэлийн чиглэлээр үйл ажиллагаа явуулдаг аж ахуйн нэгж, байгууллагад ажиллаж буй гадаадын иргэдэд хяналт шалгалтыг энэ оны есдүгээр сард зохион байгууллаа.

Шалгалтанд улсын хэмжээнд үйл ажиллагаа явуулж байгаа 224 аж ахуй нэгж, байгууллагын 33 улсын нийт 4027 гадаадын иргэн хамрагдсан байна. Шалгалтаар ирсэн зорилгоосоо өөр үйл ажиллагаа явуулсан, эрх бүхий байгууллагын зөвшөөрөлгүй хөдөлмөр эрхэлсэн БНХАУ-ын 41 иргэнийг Монгол Улсаас албадан гаргаж, Зөрчлийн тухай хуулийн дагуу 3 сая 700 мянган төгрөгийн торгууль оногдууллаа. Мөн бүртгэлийн болон оршин суух үнэмлэхээ биедээ авч явах журам зөрчсөн, оршин суух зөвшөөрлийн хугацаа хэтрүүлсэн БНХАУ-ын 29 иргэнд Зөрчлийн тухай хуулийн дагуу 2 сая 980 мянган төгрөгийн торгох шийтгэл оногдууллаа.

Түүнчлэн мах боловсруулах чиглэлээр үйл ажиллагаа явуулж буй Архангай аймгийн "Найруулга” ХХК-нд "Бодонч анар констракшн” ХХК, Өвөрхангай аймгийн "Өв эко мийт” ХХК-нд "Энх Эрдэнэ Мөнх” ХХК, "Бажуалун” ХХК, "Эйч Кэ Би” ХХК дээр НХХЯ-ны харьяа ХХҮЕГ-аас зам, барилгын чиглэлээр хөдөлмөр эрхлэх зөвшөөрөл авсан боловч, мах боловсруулах үйлдвэрт зөвшөөрөлгүйгээр хөдөлмөр эрхэлж байсан БНХАУ-ын 102 иргэний зөрчлийг илрүүлж, оршин суух зөвшөөрлийг нь цуцлан хүчингүй болгож Монгол Улсаас гаргасан байна.

http://unuudur.mn

Төстэй мэдээллүүд

Хууль бусаар уул уурхай эрхэлж байсан БНХАУ-ын арав гаруй иргэнийг албадан гаргажээ

2019/09/30, 12:30

БНХАУ-ын хилээр нэвтрэхдээ бусдаас ачаа авахгүй байхыг зөвлөж байна

2019/07/01, 16:10

2017 оны эхний хагаст гадаадын 148 иргэнийг албадан гаргажээ

2017/06/09, 16:16

ЗӨРЧИЛ ГАРГАСАН ГАДААД ИРГЭДЭД 853 САЯ ТӨГРӨГИЙН ТОРГУУЛЬ НОГДУУЛЛАА

2016/10/25, 11:04

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.